Tschertgar inserats

BREIL PUR Sloe Gin

Agiunscher sco favorit
Pretsch: 74.00 CHF 74.00 CHF
Persuna da contact: BREIL PUR SA
CH-7165 Breil/Brigels
0041 (0) 78 741 91 72
Agiunt ils: 20-08-2018 17:16:45
Creà da:

Descripziun

Nossa famiglia da gin BREIL PUR s’augmenta dalla categoria originala dil sloe gin! Il sloe gin BREIL PUR medemamein pur biologic – vinars cun ca. 30% vol. sebasa sin la receptura unica dil BREIL PUR London dry gin cun geneivra, cresta tgiet e menta da tschugalata. Maceraus sur meins cun parmuglia (“sloe”) selvadia raccoltada a maun, sefuorma in ulteriur product unic da qualitad. Igl emprem sloe gin ord la Svizra! Intensivamein cotschens e clars en la cumparsa. El nas geneivra e la nota dir-fretgusa dalla parmuglia. En bucca ina dultschezia decenta cun in mix da jarvas cumplex. Al tschiel dalla bucca peter-dultschs cun ina leva aschira, emperneivela e durabla. In aperitiv perfetg.

Il process da producir fetg custeivel porscha in diember da tocs fetg limitau. Che era tier il sloe gin, mintga butteglia vegn emplenida da nus a maun, etichettada, stapunada e numerada singul cun in sigil al culiez dalla butteglia, secapescha da sez. Ei dat nuot meglier.

Vendita sur il shop http://www.breilpur.ch/
Deplorablamein negin BREIL PUR London Dry Gin sut 18 onns
Ils prezis ein da capir incl. la TPV ed excl. la tariffa da handling e spediziun, resalvar midadas da prezis.

Detagls da l'inserat

Number da l'inserat: 92
visualisaziuns: 779
Inserat scada ils: 31-12-2020 13:28:00

nus discurrin rumantsch:

SSL sm  ✔  unicamain products locals
✔  transmissiun segira via SSL
✔  protecziun da datas
 
               powered by: GiuRu         cundiziuns / agid / contact / inserir
  
Nus discurrin Rumantsch

il project

perrumantschpinc e provocativ:

Cura che ins entra in territori rumantsch na badan ins betg che ins è uss en il territori rumantsch: Ils nums dals lieus ed ils toponims èn gia en la romania submersa, vul dir en la Valragn songagliaisa per gronda part rumantschs. Ma discurrì vegn qua dapli blers onns be pli tudestg-svizzer. Sulet tschertas expressiuns sco «viva», «l'ora» u «gletsch» èn sa mantenids en il dialect – era tranter la giuventetgna. Per far attent nua che il territori rumantsch dad ozendi cumenza ha la Giuventetgna Rumantscha (GiuRu) lantschà cun in'acziun da guerriglia durant ina not d’inviern 2014 ina champagna cun tatgaders pincs cun scrit sisur «Per Rumantsch?» e tatgà quests sin tut las tablas inscrittas be per tudestg in territori rumantsch o biling. L'acziun ha provocà e chaschunà undas in las medias grischunas

 

Nus discurrin rumantschglisch verda per la lingua:

In onn davo l'acziun ha la GiuRu ensemen cun la Lia Rumantscha calmà la situaziun cun tatgaders verds ed il text «Nus discurrin Rumantsch». L'idea era qua che ins vesa uschè tgi che discurra rumantsch in las fatschentas ed in il mund public per che il rumantsch vegn betg stgatschà in il sectur famigliar. Rumantsch è la clav a las autras linguas latinas ma era in avantatg economic grazia a sia exclusivitad ed atgnadad. Giasts e hosps vegnan gugent in il Grischun triling a far vacanzas ed ad emprender rumantsch. Las fatschentas rumantschas che han fat part da la champagna "Nus discurrin Rumantsch" han la GiuRu e la Lia Rumantscha publitgà 2015 ina charta cun tut las fatschentas cun tablas ed inscripziuns rumantschas in il Grischun. Ma a la pagina perrumantsch.ch mancava en sasez anc ina funcziun, uschè cha fitg paucs han frequentà questa pagina.


nairas uras da dar funcziun

Trais onns pli tard cumenza la terza e finala fasa che collia ussa las fatschentas cun latabla.ch, ina pagina cun pli blers utilisaders fundada 2016 da Corina Gustin. La mira è da dar ina funcziun a questa charta. Ins po numnadamain na be sulet guardar nua che tipics products rumantschs vegnan offrids, mabain da nov direct era cumprar 1 fin 3 products da las fatschentas che sa participeschan. La Tabla naira è uss era maisa da far martgà. Tgi che sa rumantsch profitescha dad ina pli vasta clientella cun furnir in product tipic per il Grischun triling, suvenirs da vacanzas per turists u regals ad amis dal rumantsch. Bun divertiment da scrollar atras las differentas categorias da products ma era da tschertgar butias in vischinanza cun agid da la charta. Bun divertiment cun questa nova purschida, interessads pon gugent inscriver agens products cun il formular. Tatgaders as po gugent empustar tar la GiuRu, ma era critica, cunzunt constructiva, u cumpliments retschaiva la GiuRu adina gugent.

Bun divertiment!

Uolf Candrian,
president da la GiuRu
--
www.giuru.ch
giuru@giuru.ch 

Go to top