Print this page

Davart fins – avis sin la Litteratura 39

 



 

In resun dil vargau. In gust amar. Da quei ch’ei piars. Da quei ch’ei ussa lunsch naven. Nua ch’il mund ei divers. Divers da quel da cheu. (Claudio Spescha)

Litteratura39Divers – co ch’ils extracts en furma da WhatsApp sura demussan - èn era ils texts da las numerusas auturas ed dals numerus auturs che fan part da la Litteratura 39. Sper il text da Claudio Spescha chatt’ins tranter auter era contribuziuns da Leo Tuor, Gianna Olinda Cadonau, Göri Klainguti, Benedetto Vigne, Viola Cadruvi, Iso Camartin u Maria Cadruvi.

Dapi bunamain 40 onns cumpara la Litteratura regularmain sco tom cun novs texts rumantschs (prosa curta, essais, lirica, translaziuns). L’ediziun nr. 39 – curt avant il giubileum – sa fatschenta cun la «FIN».

Ils texts cuntegnan reflexiuns davart la fin da noss dis, la fin d’in’amur, la fin dal rumantsch, la fin d’in cudesch, la fin d’in’istorgia, davart ulteriuras sorts da fins, ma er davart cumenzaments. Tge è pli grev, finir u cumenzar? Sper il tema principal cuntegna la Litteratura 39 era regurdientschas da trapassads u resuns da cudeschs cumparids en il decurs da l’onn. Illustrada è quest’ediziun cun ina selecziun da fotografias ord la collecziun da Martin Cantieni.


FIN
Litteratura 39
Prosa, lirica, essais, recensiuns
idioms, RG
october 2020
154 paginas, illustrà
frs. 20.00
ISSN 1016-9458


Text e fotografia: Uniun per la Litteratura Rumantscha, Cuira

Dar ina nota a questa contribuziun
(0 vuschs)