Flurina Badel

Flurina Badel

Flurina Badel es artista, autura e schurnalista. Daspö 2016 es ella eir la redactura da l'emischiun da cult «Impuls» dal Radiotelevisiun Svizra Rumantscha, chi festagiescha quist on seis 25avel giubileum. https://www.rtr.ch/emissiuns/impuls-dal-di/purtret-da-l-emissiun

Da Flurina Badel - Grond interess per la turnea da lecturas «Sin il viv!» da RTR.

Er la sisavla prelecziun da «Sin il viv!», la turnea da lecturas per festivar il giubileum da 25 onns da l'emissiun Impuls da Radiotelevisiun Svizra Rumantscha (RTR), ha chattà buna accoglientscha. La dumengia, ils 26 d’avust 2018 è «Sin il viv!» sa fermada sin il bain puril «La Muota» da la famiglia Casanova a Lumbrein. Passa 90 persunas èn vegnidas per tadlar Impuls novs e vegls legids «live» da las trais auturas or da la regiun Carin Caduff, Asa S. Hendry e Myriam Pelican-Camenisch e da l’autur engiadinais Arnold Rauch. 

Tuts quatter han scrit e prelegì texts che han da far cun l’occurrenza: ina prelecziun litterara en ina stalla en Val Lumnezia. Uschè ha Arnold Rauch prelegì l’impuls divertent cul titel “Nomen est Omen”, che tracta da ses num da famiglia betg propi rumantsch en congual cun las schlattainas da tschellas trais auturas ch’han prelegì en stalla a Lumbrein. Myriam Pelican-Camenisch, ch’è er paura ha deditgà ses Impuls “In pur en vacanzas” a quella unica emna da vacanzas al sulegl, ch’è bain preziusa ma eba er adina periclitada entras il mintgadi spess sin puraria. Carin Caduff ha prendì cun sai il public sin in viadi auditiv atras la Val Lumnezia enfin tar in da ses lieus predilets “Buolas”. Ed Asa S. Hendry, er in giuvna Lumneziana, ha prelegì l’Impuls “La stad dil cor” ch’è in omagi ad in caracteristicum da la cuntrada lumneziana: in plaun cuvert cun naiv en furma da cor. Flurina Badel, ch’è dapi 2016 la redactura responsabla da l’emissiun da RTR, moderescha mintgamai las prelecziuns. La stalla a Lumbrein è stada fullanada cun public, uschè che l'applaus è stà grond e l'aperitiv delizius cun agen chaschiel e paunets fatgs en chasa ch'è Ingrid ed Alexander Casanova han offrì è vegni mangià cun gust.

Dapi schaner sin turnea

Dapi il schaner è «Sin il viv!» en turnea tras il Grischun ed a Turitg ed è sa fermada là, nua che l’emissiun Impuls da Radiotelevisiun Svizra Rumantscha (RTR) vegn uschiglio tadlada al radio: en ina garascha a Sedrun, en in biro da grafica a Turitg, en in lainaria a Savognin, en in iert a Guarda, en stalla a Lumbrein.

Proxima lectura a Schlarigna

La proxima lectura ha lieuils 7 d’october 2018 a las 16:00 en la stiva da la Chesa Gianzun a Schlarigna. Là prelegian Dumenic Andry, Sara Francesca Hermann, Bettina Secchi e Martin Cantieni.

La setavla ed ultima lectura da «Sin il viv!» ha lura lieu durant ils Dis da Litteratura a Domat, dumengia, ils 4 da november 2018 a las 10:30 en il salun da coiffeur Haaratelier, Gassa Suto 43a, 7013 Domat. Là prelegian Carlo Beer, Plinio Meyer, Myriam Pelican e Jessica Zuan Impuls, che evoceschan scuffel o las larmas orasum. Impuls pensivs per d’introvertì u che sbrinzlan ed animeschan da discutar sur da quai e tschai, Impuls che tucan sin il viv.

Dapi sur da l’emissiun e sur da la turnea: https://www.rtr.ch/emissiuns/impuls-dal-di

Text e fotografia: Flurina Badel
 

Grazia fitg a tut ils sponsurs da LATABLA:

  • Tel. 081 864 15 81
    Tel. 081 864 15 81
  • Adüna bun - cafè grischun
    Adüna bun - cafè grischun
  • www.quartalingua.ch
    www.quartalingua.ch
  • Tel. 081 864 01 51
    Tel. 081 864 01 51
  • Shop online!
    Shop online!
  • www.belain.ch
    www.belain.ch
  • La Giuventetgna Rumantscha
    La Giuventetgna Rumantscha
  • L’Institut dal Dicziunari Rumantsch Grischun
    L’Institut dal Dicziunari Rumantsch Grischun


Suonda LATABLA:

Da Flurina Badel - Cun «Machöas. LitteraturA Nairs» dedichescha la Fundaziun Nairs als 29 e 30 settember 2018 i’l rom da seis giubileum da 30 ons ün’intera fin d’eivna a la litteratura rumantscha. Confuorm al motto da giubileum «The women spirit of Nairs» sta eir l’occurrenza litterara suot l’insaina dal feminin illa litteratura rumantscha. Chenünas scripturas han influenzà nossa litteratura? Scrivan duonnas oter co hommens? Che figüra feminina da la litteratura rumantscha ans fascinescha o ans irritescha?


I vain prelet, discutà e dechantà
Quistas e bleras ulteriuras dumondas vegnan discussas düront duos dis illas localitats dal Center d’art contemporana a Nairs. In prelecziuns dan auturas ed auturs tanter da quels Dumenic Andry, Leta Semadeni, Gianna Olinda Cadonau e Jessica Zuan nouvs impuls al tema. Per l’avertüra dal festival ha Romana Ganzoni scrit aposta ün monolog sur da la duonna (rumantscha), cha l’actura e chantadura putera Anny Weiler preschainta. Rut Plouda ed Angelika Overath experimenteschan insembel culla battarista Valeria Zangger. Men Steiner dechanta las duonnas illas chanzuns popularas ladinas. Rico F. Valär discuta al podium cun expertas ed experts chi preschaintan lur figüra feminina prediletta da la litteratura rumantscha. Ed eir la ritscha gnarà ad avair ün pled in chapitel.

Grazia fitg a tut ils sponsurs da LATABLA:

  • Adüna bun - cafè grischun
    Adüna bun - cafè grischun
  • www.belain.ch
    www.belain.ch
  • La Giuventetgna Rumantscha
    La Giuventetgna Rumantscha
  • Tel. 081 864 15 81
    Tel. 081 864 15 81
  • Shop online!
    Shop online!
  • L’Institut dal Dicziunari Rumantsch Grischun
    L’Institut dal Dicziunari Rumantsch Grischun
  • www.quartalingua.ch
    www.quartalingua.ch
  • Tel. 081 864 01 51
    Tel. 081 864 01 51


Machöas e machos
LitteraturA Nairs ras’oura ün tapet da fluors per quellas e quels chi scrivan e per quellas e quels chi legian. La gilgia es ün simbol frequaint per la duonna, la spranza e l’amur, quai fingià illa Vegli’Egipta, lura pro’ls Grecs ed eir pro’ls Romans. Illa Bibla es la fluor graziusa ün simbol per Maria. In seis roman «La Müdada» fa Clà Biert adöver da las giglias cotschnas, las «machöas» in vallader, per simbolisar l’amur tanter ils protagonists Karin e Tumasch. Il titel da l’occurrenza «Machöas» sta per duonnas chi sun fö e flomma per alch, per exaimpel per la litteratura rumantscha. El as lascha interpretar eir sco üna fuorma feminina da «macho», s’inclegia d’incleger cun üna tschegnada!


Per tuotTAs e prevendita
«LitteraturA Nairs» es ün festival per litteratura rumantscha cun referats, prelecziuns, musica e discussiuns al podium. La fin d’eivna dà impuls ed es üna plattafuorma per discussiuns criticas.
I vegnan sportas bavrondas e pasts al bistro, üna maisa da cudeschs organisada dal Chantunet da cudeschs Scuol ed ün bus da transfer tanter la staziun da Scuol e Nairs. Tschertas occurrenzas sun bilinguas rumantsch-tudais-chas.

Per sustgnair la realisaziun dal festival daja üna acziun da prevendita e crowfounding, quai amo fin ils 8 da settember 2018: https://wemakeit.com/projects/machoeas-litteratura-nairs

 
Machöas. LitteraturA Nairs
Sonda 29 e dumengia 30 da settember 2018
Center per art contemporana, Nairs


Programm:

Sonda ils 29-9-2018

10:00 Monolog per cumenzar
Bainvegni cun in monolog scrit da Romana Ganzoni, inscenà da l’actura Anny Weiler.

11:00 Litteratura da dunnas – ina survista
Lucia Walther dat ina survista sur dal scriver da las dunnas en la litteratura rumantscha.

12:00 Raquints da scripturas
Annetta Ganzoni referescha davart aspects d’istorgia sociala en raquints da scripturas dal 1910 al 1970.

GENTAR

14:00 Vita imaginada
Jessica Zuan prelegia poesias.

15:00 A maisa radunda cun la ritscha r/D
Discurs davart la ritscha sco figura en la litteratura, en l’art ed en l’architectura cun Kathrin Siegfried, Laurina Raffainer e Franziska Lüthi, moderaziun Anna Serarda Campell.

16:30 Adüna as palainta ün pled r/D
Leta Semadeni prelegia poesias.

17:30 Schrift und Geschlecht D
Franziska Frei Gerlach über aktuelle Projekte der literaturwissenschaftlichen Genderforschung in der Schweiz.

TSCHAINA

20:30 D sco Dunnas r/D
Rut Plouda ed Angelika Overath prelegian cun improvisaziuns da la battarista Valeria Zangger.



Dumengia ils 30-9-2018

11:00 Üna per üna
Dumenic Andry prelegia poesias.

12:00 Tschella vart
Gianna Olinda Cadonau prelegia poesias.

GENTAR

14:00 Dapli che Ursin e Flurina!
Il stgazi litterar da Selina Chönz, preschentà da Mevina Puorger.

15:00 Da schnat duonnuns e mattas scortas
Ina baterlada concertanta cun Men Steiner davart las figuras da dunnas en las chanzuns popularas ladinas.

16:30 Tschintg romanistAs e lur figura feminina preferida
Rico F. Valär discurra cun Michele Badilatti, Annetta Ganzoni, Viola Pfeiffer e Walter Rosselli.

18:00 Poesias per finir
Cumià cun pop-up da poesias.

*
Bettina Vital e Flurina Badel mainan tras il program.
Cun ustaria e bar ed ina maisa da cudeschs dal Chantunet da Cudeschs, Scuol.

 


Text e fotografia: Flurina Badel

Suonda LATABLA:

Da Flurina Badel (Radio Rumantsch RTR) - Per il giubileum da 25 onns Impuls preschenta Radiotelevisiun Svizra Rumantscha (RTR) ensemen cun la Lia Rumantscha la turnea da lectura «Sin il viv!». L’emprima lectura ha gì lieu la fin da schaner en la Garascha Oberalp a Sedrun.
 
Ina tschuncantina persunas è vegnida en la Garage Oberalp a Sedrun per tadlar ils Impuls legids “live” dals dus auturs Leo Tuor e Jürg Gautschi, e da las duas auturas Gianna Olinda Cadonau e Susi Rothmund. Els han legì ina selecziun da novs e vegls Impuls, texts curts ma profunds, baud leghers e critics baud trists e misterius. Uschè ha l’impuls “Il pur suveran” da Susi Rothmund, che referescha a la mort da ses tat, laschà al public cun bucca averta. A la fin da quel Impuls ritmic disgrazia il tat numnadamain entras las cornas d’ina da sias vatgas. Susi Rothmund scriva savens istorgias inspiradas da sia uffanza a Trun e transfurma quellas en texts en stil da “poetry slam”.

Tut d’in auter gener è stat l’impuls “Vuschs” che il scriptur Leo Tuor ha legì. Nagin auter Impuls n’ha fatg rir il public en la garascha sco quel che descriva cun umur murdent in viadi en tren tras la Ruinaulta tranter bartgas da gumma e discurs en “rumantsch da segunda classa”. Leo Tuor scriva gia dapi 1994 per Impuls, tuttina è mintga Impuls ina nova sfida sco el ha manegià a Sedrun: «Jeu drovel segir dus dis per scriver in Impuls. Scriver va mai tgunsch!».

La scriptura Engiadinaisa Gianna Olinda Cadonau, che scriva Impuls pir dapi l’atun 2017, sto anc sa disar vi da la furma curta dals Impuls, els duessan esser be ina minuta e mez lungs: «Fin uossa n’haja scrit impustüt poesia o lura texts plü lung. La cuortezza dals impuls es per mai terra nouva ch’eu n’ha però grond gust da scuvrir». Ils Impuls da Gianna Olinda Cadonau èn savens raquints cun figuras misteriusas. A Sedrun ha perquai surprais ses impuls “Suzuki Samurai” scrit aposta per l’occurrenza en garascha, ina decleraziun d’amur plain tschegnadas per l’auto “made in Japan”.

Grazia fitg a tut ils sponsurs da LATABLA:

  • Tel. 081 864 01 51
    Tel. 081 864 01 51
  • Adüna bun - cafè grischun
    Adüna bun - cafè grischun
  • www.quartalingua.ch
    www.quartalingua.ch
  • Shop online!
    Shop online!
  • L’Institut dal Dicziunari Rumantsch Grischun
    L’Institut dal Dicziunari Rumantsch Grischun
  • La Giuventetgna Rumantscha
    La Giuventetgna Rumantscha
  • Tel. 081 864 15 81
    Tel. 081 864 15 81
  • www.belain.ch
    www.belain.ch


Jürg Gautschi, ch’è autur d’Impuls dapi 2016, scriva savens impuls sur da persunas ch’el ha observà en il tren u bus ubain sur dal tema “fitness” sco metafra per nossa societad orientada invers l’economia. En la garascha a Sedrun ha Jürg Gautschi legì era in Impuls cun l’istorgia absurda d’ina lindorna “In seveser nunspitgau”, nua che ina lindorna vegn quasi sut las rodas d’in automobilist che regorda ella vi da ses um mort.

Impuls betg main divertents u pensivs u genials vegnan er a vegnir legids la fin da schaner per la segunda lectura da «Sin il viv!». Quella è dumengia, ils 25 da favrer 2018 a las 16:00, en las localitads da l’agentura da grafica e design GEYST a Turitg. Ils Impuls che Romana Ganzoni, Chatrina Josty, Carlo Beer e Benedetto Vigne prelegian là raquintan da bars sombras, dad andas ed auters utschels en la citad, dal lai e da la generaziun Y, ch’è stgarpada tranter mund urban e mal da muntogna.

En tut èn planisadas set lecturas per festivar il giubileum da l’emissiun Impuls, adina là nua che radio vegn tadlà, pia en lieus dal mintgadi da las audituras e dals auditurs da radio sco en stivas ed en stallas, en biros u en lavuratoris. Uschia ha lura er lieu la terza lectura da «Sin il viv!» en ina uffizina, quai ils 3 da zercladur 2018 a las 16:00, en la scrinaria Uffer a Savognin. La turnea è publica, l’entrada libra.
 
Dapli infurmaziuns ed emprovas auditivas:
https://www.rtr.ch/cultura/sin-il-viv-25-onns-impuls/


Impuls è d’udir al Radio Rumantsch mintga di a las 6:40 e 10:55 u online sin:
https://www.rtr.ch/emissiuns/impuls-dal-di/emissiuns

Proximas datas da la turnea «Sin il viv!»:

Dumengia, ils 25-02-2018, 16:00, en l’agentura da reclama Geyst, Turitg
Dumengia, ils 03-06-2018, 16:00, en la scrinaria Uffer SA, Savognin
Dumengia, ils 29-07-2018, 16:00, en il iert da la Chasa Torel, Guarda
Dumengia, ils 26-08-2018, 16:00, en la stalla Casanova, Lumbrein
Dumengia, ils 07-10-2018, 16:00, en stiva da la Chasa Gianzun, Schlarigna
Dumengia, ils 04-11-2018, tar il coiffeur Haaratelier, Domat

Suonda LATABLA!

Martgà online:

Newsletter:

Adressa d'email:

Prenum:

Num:


POPULAR IN QUESTA CATEGORIA:

5 giadas fitg fraid

14 da favrer 2018

Da Silvana Derungs (DRG) –  La lingua rumantscha è ritga, uschè ritga che nus pudessan atgnamain ans servir pli savens da sias bellezzas e ritgezzas – e da tut sias...

La columna - Chi chi nu tschercha chatta

28 da november 2017

Da Fadrina Hofmann - L’uman es ün chatschader e ramassader. La cumprouva n’haja a chasa in fuorma da duos uffants chi chattan roba da tour e mütschir. Ün insaj? Voilà...

5 bellas dunnas

16 da matg 2018

Da Silvana Derungs (DRG) –  La lingua rumantscha è ritga – uschè ritga che nus pudessan atgnamain ans servir pli savens da sias bellezzas e ritgezzas. Per exempel datti bels prenums, nizzaivels betg mo...

5 bellas chauras

10 da schaner 2018

Da Silvana Derungs (DRG) – La lingua rumantscha è ritga – uschè ritga che nus pudessan atgnamain ans servir pli savens da sias bellezzas e ritgezzas. Oz datti tschintg bellas...

5 feghers Franzos

18 da fanadur 2018

Da Silvana Derungs (DRG) – La lingua rumantscha è ritga – uschè ritga che nus pudessan atgnamain ans servir pli savens da sias bellezzas e ritgezzas. Per exempel quellas influenzadas...

Il Project

30 da fanadur 2018

pinc e provocativ: Cura che ins entra in territori rumantsch na badan ins betg che ins è uss en il territori rumantsch: Ils nums dals lieus ed ils toponims èn...

Jeu spetgel ...

05 da december 2017

Dad Annatina Nay - Duas figuras en in toc da teater da Samuel Beckett. Estragon e Wladimir sesanflan en in liug buc definau, sin in stradun, sper ina plonta. Els...

Banadida telefomania

21 da favrer 2018

Da Fadrina Hofmann - Chi nu cugnuoscha il mumaint da schoc scha’l telefonin es dandettamaing davent? Ed il sentimaint surleivgià cur ch’el cumpara darcheu? Il telefonin es dvanta nos cumpogn...

Go to top